Sa bawat himig at tunog ng musika
Mayroong simula at gitna ang kanta
Nungit ang kumpas ng panahon ay nag-iiba
Ang melodya ay sadyang may dulo talaga
Bababa ng entablado pagkatapos ng tugtugan
Ihihimlay sa kanlungan ang pagod na katawan
Huwag mabahala, awit ay nasa aming isipan
Titik, berso, at koro na tila walang hangganan
Dumating na ang panahon para itabi ang gitara
Ang ingay ng tambol, ngayon ay tahimik na
Sa iyong paglalakbay pabalik sa Maylikha
Paraiso ang naghihintay sa iyong mga adhika.
